श्रीगोंदा
Vanchit bahujan aaghadi assembly candidate shrigonda वंचित बहुजन आघाडीची आज विधानसभा निवडणुकीसाठीची पाचवी यादी जाहीर झाली या यादीमध्ये अहिल्यानगर जिल्ह्यातील श्रीगोंदा विधानसभा मतदारसंघातून अण्णासाहेब शेलार यांना उमेदवारी जाहीर करण्यात आली आहे.
वंचित बहुजन आघाडीचे अध्यक्ष एडवोकेट प्रकाश आंबेडकर यांनी आज पाचवी उमेदवारी यादी जाहीर केली. या यादीमध्ये 16 विधानसभा मतदारसंघांमध्ये 16 उमेदवार जाहीर करण्यात आले आहे. यामध्ये अहमदनगर जिल्ह्यातील श्रीगोंदा मतदारसंघातील अण्णासाहेब शेलार यांना उमेदवारी देण्यात आल्याने आता या विधानसभा मतदारसंघांमध्ये आणखीनच सामना रंगणार आहे. भारतीय जनता पक्षाने आमदार बबनराव पाचपुते यांच्या पत्नी प्रतिभा पाचपुते यांना या मतदारसंघातून उमेदवारी दिली आहे. तर राहुल जगताप आणि नागवडे हेही या मतदार संघातून निवडणूक लढवण्याच्या तयारीत आहेत. त्यामुळे एकूणच चौरंगी लढत या मतदारसंघांमध्ये अपेक्षित आहे.
