मलेशिया वर दणदणीत विजय मिळवत भारतीय महिला संघाची उपांत्यपूर्व फेरीत धडक!!
गौरव डेंगळे/नवी दिल्ली
भारतीय महिला संघाने आज मलेशियावर १००-२० ने दणदणीत विजय मिळवला.प्रियांका इंगळेच्या नेतृत्वाखालील भारत महिला खो खो विश्वचषक २०२५ च्या उपांत्यपूर्व फेरीत पोहोचणारा पहिला संघ ठरला.
महिला खो खो विश्वचषक २०२५ च्या उपांत्यपूर्व फेरीत आपले स्थान निश्चित करण्यासाठी भारताच्या महिला संघाने मलेशियावर १००-२० आक्रमक व सांघिक खेळाच्या जोरावर सुरेखाचा विजय मिळवला. पहिल्या डावामध्ये मलेशिया संघाने कडवा प्रतिकार करत सामन्यांमध्ये रंगत आणली होती. पण भारतीय संघाने आपले वर्चस्व सिद्ध करत दुसऱ्या डावामध्ये ४४-०६ अशी आघाडी घेतली. तिसऱ्या डावांमध्ये मलेशिया संघाने प्रतिकार करत काहीशी आघाडी कमी करण्याचा प्रयत्न केला. चौथ्या डावांमध्ये भारतीय महिला संघाने एकापाठोपाठ एक गुण घेत सामना ८० गुणांनी जिंकला.
