राजेंद्र जैन / कडा
मागील अनेक दिवसांपासून आष्टी विधानसभा मतदारसंघात तुतारीची उमेदवारी कुणाला मिळणार याविषयी राजकीय वर्तुळात संभ्रम निर्माण झाला होता. मात्र महाविकास आघाडीचे सर्व इच्छुक उमेदवार मुंबईत ठाण मांडून होते. मात्र आघाडीकडून बहुचर्चित आष्टी विधानसभा मतदार संघातून महेबुब शेख यांना अखेर तुतारी फुंकण्याची संधी मिळाली. उमेदवारी मिळाल्यानंतर कड्यासह आष्टी शहरात महेबूब शेख यांचे नागरीकांकडून पुष्पवृष्टी करुन जोरदार स्वागत करण्यात आले.
आष्टी विधानसभा मतदारसंघात ठिकठीकाणी महेबुब शेख यांचे जोरदार स्वागत करण्यात आले. कड्यासह आष्टी जय जिजाऊ जय शिवरायचा जयघोष करुन, तुमच आमचं नातं काय जय शिवराय, जय जिजाऊ अशी शेख यांनी जोरदार घोषणाबाजी करत ढोल ताशांच्या गजरात जेसीबीतुन पुष्पवृष्टी करत जल्लोषात महेबुब शेख यांचे स्वागत करण्यात आले. कड्यात छत्रपती शिवाजी महाराजांसह भारतरत्न डाॅ बाबासाहेब आंबेडकर यांच्या पुतळ्यास पुष्पहार अर्पण करुन शेख यांनी अभिवादन केले. आष्टी मतदार संघ राष्ट्रवादी (शरदचंद्र पवार) पक्षाची अधिकृत उमेदवारी महेबुब शेख यांना नुकतीच जाहीर झाल्यानंतर कड्यासह आष्टीत कार्यकर्त्यांनी सायंकाळी फटाक्यांची आतिषबाजी करत जल्लोष साजरा करण्यात आला. आज शेख यांचे सकाळी धानोरा येथे आगमन झाले ढोल- ताशांच्या गजरात ठिकठिकाणी जोरदार स्वागत करण्यात आले.
त्यानंतर धानोरा येथील चौकाचौकात रॅली काढून महापुरुषांच्या प्रतिमेस अभिवादन करण्यात आले. कड्यासह आष्टीत सवाद्य मिरवणूक काढून जोरदार स्वागत झाले तर आष्टी शहरात जेसीबीतून शेख यांच्यावर पुष्पवृष्टी करण्यात आली. फटाक्यांची आतिषबाजी ढोलताशांच्या गजरात रॅली किनारा चौकापासून आण्णाभाऊ साठे यांना चौकात अभिवादन करून झाली. स्व. गोपीनाथ मुंडे चौकात साहेबांना अभिवादन करण्यात आले त्यानंतर छत्रपती शिवाजी महाराज चौक येथे महाराजांना अभिवादन करण्यात आले आष्टीत चौकाचौकात महापुरुषांना अभिवादन करण्यात आले.
यावेळी महेबुब भाई तुम आगे बढो हम तुम्हारे साथ है जोरदार घोषणाबाजी करण्यात आली. यावेळी कार्यकर्त्यांमध्ये उत्साह होता यावेळी तालुकाध्यक्ष सुनिल नाथ, विजय गाढवे, युवक कार्याध्यक्ष तथा माजी सरपंच राहुल काकडे, दादासाहेब झांजे,दिपक होले, ॲड रिजवान शेख, नदिम शेख, नगरसेवक भिमराव गायकवाड, अंकुश खोटे,जिशान सय्यद, अमोल चव्हाण, भाऊसाहेब मेटे,संतोष सानप,अतुल शिंदे, तौफिक शेख,भैरव चव्हाण, सचिन गोंदकर, सोमनाथ निकाळजे, अंबादास पवार, राजेसाहेब निंबाळकर, सचिन पवार,लहू भवर, शिवाजी शेळके, दत्तात्रय कांबळे,परमान शेख, माऊली कांबळे, सुधाकर भगत, सोहेल बेग,जमीर पठाण, अस्लम मोगल,जल्लाल शेख, हाफिज मोसिम सय्यद, मुजामिल शेख, अरबाज बेग, महम्मद शेख आदी पदाधिकारी, कार्यकर्ते, युवक मोठ्या संख्येने रॅली सहभागी झाले होते.
