🏏 महिला क्रिकेट विश्वचषक 2025 अंतिम सामना आज भारत विरुद्ध दक्षिण आफ्रिका – पावसाचे सावट, कोण ठरेल विश्वविजेता?

नवी मुंबई | प्रतिनिधीमहिला क्रिकेट विश्वचषक 2025 चा अंतिम सामना आज भारत आणि दक्षिण आफ्रिका india vs south africa final यांच्यात नवी मुंबईतील डी. वाय. पाटील स्टेडियमवर रंगणार आहे. भारताने उपांत्य फेरीत ऑस्ट्रेलियावर विजय मिळवत अंतिम फेरीत प्रवेश केला, तर दक्षिण आफ्रिकेने इंग्लंडचा पराभव करत फायनलमध्ये मजल मारली आहे.

मात्र, या रोमांचक सामन्यावर पावसाचे सावट आहे. हवामान खात्याच्या अंदाजानुसार, २ नोव्हेंबर रोजी २५ टक्के पावसाची शक्यता असून, तापमान सुमारे ३१ अंश सेल्सिअस राहणार आहे. वाऱ्याचा वेग सुमारे १८ किलोमीटर प्रति तास असण्याचा अंदाज आहे. जर २ नोव्हेंबर रोजी पावसामुळे सामना पूर्ण होऊ शकला नाही, तर राखीव दिवस म्हणून ३ नोव्हेंबर निश्चित करण्यात आला आहे.

🌧️ पावसामुळे सामना रद्द झाल्यास कोण विजेता?

जर दोन्ही दिवशी (२ आणि ३ नोव्हेंबर) सामना पूर्ण झाला नाही आणि निकाल लागला नाही, तर गुणतालिकेतील स्थानानुसार विजेता घोषित केला जाईल.गुणतालिकेनुसार दक्षिण आफ्रिकेकडे १० गुण आहेत, तर भारताकडे ७ गुण आहेत. त्यामुळे सामना रद्द झाल्यास दक्षिण आफ्रिका विश्वविजेता ठरेल.

भारताच्या महिला संघाची तिसरी अंतिम फेरी

भारताने यापूर्वी २००५ आणि २०१७ साली विश्वचषकाच्या अंतिम फेरीत प्रवेश केला होता. मात्र, दोन्ही वेळा भारताला विजेतेपद मिळवण्यात अपयश आले होते.आता कर्णधार हरमनप्रीत कौर यांच्या नेतृत्त्वाखाली भारतीय संघ पुन्हा एकदा इतिहास रचण्यासाठी सज्ज आहे. भारतीय चाहत्यांमध्ये या सामन्याबाबत मोठी उत्सुकता असून, स्वदेशात विश्वविजेतेपद मिळवण्याची संधी भारतीय संघासमोर आहे.

🏏 भारताची संभाव्य प्लेइंग ११

• शैफाली वर्मा
• स्मृती मंधाना
• अमनजोत कौर
• हरमनप्रीत कौर (कर्णधार)
• जेमिमा रोड्रिग्स
• दीप्ती शर्मा
• ऋचा घोष (विकेटकीपर)
• राधा यादव
• क्रांती गौड
• श्री चरणी
• रेणुका सिंह ठाकूर

📅 सामना माहिती

• स्थळ: डी. वाय. पाटील स्टेडियम, नवी मुंबई
• दिनांक: २ नोव्हेंबर २०२५
• राखीव दिवस: ३ नोव्हेंबर २०२५
• वेळ: दुपारी २.३० वाजता