🗳️ कडा जिल्हा परिषद गटासाठी माधुरी संदीप खाकाळ — दमदार दावेदार म्हणून चर्चेत

आष्टी,

आगामी जिल्हा परिषद आणि पंचायत समिती निवडणुका जवळ येत असताना कडा जिल्हा परिषद गटात उत्सुकता वाढली आहे. अनेक वर्षांपासून रिक्त असलेल्या या गटाच्या सदस्यपदासाठी माधुरीताई संदीप खाकाळ या एक दमदार आणि लोकप्रिय दावेदार म्हणून पुढे आल्या आहेत.

🌾 सामाजिक बांधिलकी आणि आदर्श कार्यशैली

सौ. माधुरीताई खाकाळ या सध्या शेरी खाकाळवाडी ग्रामपंचायतीच्या सरपंच आहेत. त्यांच्या नेतृत्वाखाली गावात शाळा, रस्ते, स्मशानभूमी यांसारख्या मूलभूत सुविधा विकसित करण्यात आल्या. त्या नेहमी लोकांच्या सेवेत प्रामाणिकपणे काम करणाऱ्या नेत्या म्हणून ओळखल्या जातात.

ग्रामविकासाच्या कामांमुळे आणि महिलांसाठी राबवलेल्या उपक्रमांमुळे त्यांना जनतेतून उमेदवारीची मागणी वाढली आहे. त्यांच्या या कार्यामुळे कडा गटात त्यांचे नाव चर्चेत आले आहे.

🙏 जनसेवेचा वारसा आणि लोकांचा विश्वास

माधुरीताईंचे पती संदिप खाकाळ हे आ. सुरेश (आण्णा) धस यांचे विश्वासू कार्यकर्ते म्हणून ओळखले जातात. सामाजिक कार्यात कोणताही भेदभाव न ठेवता ते सतत लोकांच्या मदतीला धावून जातात. त्यामुळे त्यांना गावात ‘हक्काचा माणूस’ म्हणून ओळखले जाते.

माधुरीताईंनी महिलांसाठी विविध सामाजिक आणि धार्मिक उपक्रम राबवले असून, महिलांच्या संघटनाला बळ दिले आहे. त्यामुळे महिला राखीव गटात त्यांची उमेदवारी निश्चित असल्यास त्यांचा विजय निश्चित असल्याचा विश्वास कार्यकर्त्यांमध्ये आहे.

💪 तरुणांचा उत्साह आणि वयोवृद्धांचे आशीर्वाद

कडा जिल्हा परिषद गटात तरुणांचा मोठा सहभाग आणि वयोवृद्धांचा आशीर्वाद हा माधुरीताईंच्या पाठिशी आहे. स्थानिक पातळीवर त्यांच्या नावाबद्दल प्रचंड उत्साह असून, “उमेदवारी मिळाल्यास जिवाचं रान करून निवडून आणू” असा निर्धार मतदारांनी व्यक्त केला आहे.

गुरुकृपा पतसंस्थेचे अध्यक्ष संजय नाथ यांनी सांगितले की, “आमदार सुरेश धस यांनी सौ. माधुरीताई खाकाळ यांना उमेदवारी दिल्यास संपूर्ण गट एकदिलाने त्यांच्या पाठीशी उभा राहील.”

कडा जिल्हा परिषद गटात सध्या सौ. माधुरी संदीप खाकाळ या नावाला मोठी पसंती मिळत असून, त्यांचा विकासाभिमुख दृष्टिकोन आणि जनसेवा भाव यामुळे त्या आगामी निवडणुकीत एक बळकट आणि विश्वासार्ह महिला उमेदवार ठरतील, असा जनतेचा विश्वास आहे.