कडा
photo beed news today गारपिटीचा मोठा फटका आष्टी तालुक्यातील डोंगर पट्ट्यातील गावांना बसला आहे. आज झालेल्या गारपिटीने शेतकऱ्यांचे अतोनात नुकसान झाले आहे. आष्टी आणि नगर जिल्ह्याच्या सीमेवर असलेल्या अरण विहीरा,पिंपळगाव घाट, देऊळगाव घाट, हरेवाडी, मराठवाडी या परिसरातील गावांना या गारपिटीचा तडाखा बसला आहे.
सायंकाळी चार वाजण्याच्या नंतर या भागात जोरदार वादळी वाऱ्यासह पाउस सुरु होता. त्यातच गारांची beed hailstorm भर पडली. डोळ्या देखत पिकांचे नुकसान शेतकरी पाहत होते. या भागात कांदा या पिकाची मोठी लागवड केली जाते.
शेतकर्यांनी कांद्याची काढणी केली असली तरी त्याचे शेतात भुसार भरून ठेवल्याने या गारपिटीने मोठे नुकसान झाले. सर्वत्र गारांचा मोठा थर साचला होता.
या अवकाळी पाऊस आणि गारपीटीमुळे दौलवडगाव जिल्हा परिषद गटातील अनेक गावांमध्ये पिकांना फटका बसला. शेतात उभ्या असलेल्या पिकांचे नुकसान झाले. तर जनावरांसाठी तयार केलेल्या चाऱ्याचे नुकसान झाले.
या भागातील शेतीच्या नुकसानीची पाहणी करून पंचनामे करण्याची मागणी शेतकऱ्यांनी केली आहे.