यशवंत डांगे यांची अहमदनगर महापालिकेच्या आयुक्तपदी नियुक्ती

अहमदनगर

Appointment of Yashwant Dange as Commissioner of Ahmednagar Municipal Corporation महानगरपालिकेच्या आयुक्तपदी देविदास पवार यांची 24 तासापूर्वी झालेली बदली प्रक्रिया रद्द करून आता नव्याने पिंपरी चिंचवडचे सहायक आयुक्त यशवंत डांगे यांची अहमदनगर महानगरपालिकेच्या आयुक्तपदी नियुक्ती करण्यात आली असून त्याबाबतचे आदेश राज्य सरकारने काढले आहेत.

        अहमदनगर महानगरपालिकेमध्ये आयुक्त पंकज जावळे यांच्यावर गुन्हा दाखल झाल्यानंतर हे पद रिक्त झाले होते दोन दिवसापूर्वी राज्य शासनाकडून अमरावतीचे आयुक्त देविदास पवार यांची अहमदनगर येथे नियुक्ती करण्यात आली होती. या विषयाला 24 तास उलटले नाही तोच आता राज्य सरकारने नव्याने बदलीची प्रक्रिया केली आहे. या पदावर पिंपरी चिंचवडचे सहायक आयुक्त यशवंत डांगे यांची अहमदनगर महानगरपालिकेच्या आयुक्तपदी नियुक्ती करण्यात आली आहे.

            या अगोदर डांगे यांनी अहमदनगर महानगरपालिकेमध्ये दोन वर्ष उपायुक्त पदाचा पदभार पाहिला होता. त्यामुळे त्यांना अहमदनगरच्या प्रश्नांची जाण आणि अनुभव आहे. आता त्यांची आयुक्तपदी नियुक्ती झाली असून ते लवकरच पदभार स्वीकारतील.